biarritz

1908AZ GERO MARTXAN

Juana Eguren andrea, Zumarragan jaioa eta ostalaritzan ziharduen familiako kidea (Paraiso hotela, Zumarraga), mende hasieran iritsi zen Donostiara, eta Biarritz hotela erosi zuen Zaragoza plazan. Juan Juantegui jaunarekin ezkondu zen, eta lau seme-alaba izan zituen: Amparo, Maritxu, Carmen eta Antonio.

1908an Zubieta kaleko etxea erosi, eta Niza hotela eraiki zuen. Hotelaren zuzendaritza lana Mª Luisa Alvaro ilobaren esku geratu zen.
Neguetan itxita egoten zenez, Biarritz hotelera joan ziren bizitzera. Juana arduratzen zen ekonomia, kontrol, kudeaketa eta bestelakoei buruzko gai guztiez, nortasun bereziko emakumea baitzen.
Gerra zibilak iraun zuen bitartean, bi solairu gehiago eraiki zituzten Niza hotelean, eta gaur egun ere halaxe jarraitzen du. Biarritz taberna izan zen mantenu osoan ostatu hartutako bezeroek Linder jaunak prestatutako platerak dastatzeko aukera zeukaten txokoa. Aurretik Alemaniako Kaiserraren sukaldaria izan zen Linder.

1960ko hamarkadaren amaieran, Juana Eguren hil zen, eta Juantegui familia euren ondarea banatzen hasi zen. Biarritz hotela saldu, eta hotela izateari utzi zion. Eduardo eta Gonzalo Chillidak Niza hotela eskuratu zuten, gurasoak, Carmen Juantegui andrea eta Pedro Chillida jauna, hil zirelako.

1970ean, Eduardo Chillida, Pilar Belzunce emaztea eta zortzi seme-alabak geratu ziren jabe bakar. Iturriaga arkitekto jaunak zuzendutako eraberritze handinahiari ekin zioten, solairu bakoitzean bainugela zuten bi gela eta lau logelatarako bainugela komun bat besterik ez baitzegoen. Gela guztietan jarri zuten bainugela, egitura guztiak indartu zituzten eta hotelaren osaera gaur egun dagoen bezala geratu zen.

EGIN ERRESERBA

Euskal Gastronomiaren erroa

Euskal sukaldaritza tradizionala, 1908az gero
Sasoiko produkturik onenak hautatzen ditugu, tokiko merkatuetan eta lonjetan aukeratuak, eta modu tradizionalean prestatzen ditugu, euskal sukaldaritzako errezeta klasikoak baliatuz.

Gure lantaldea

David Agüero sukaldariak gidatuta, gure lantaldeak proposamen gastronomiko tradizionala eramango dizu mahaira, gaurkotasun ukitu batekin, soiltasunean eta tokiko zein sasoiko produktuarekiko errespetuan oinarrituta. Eta, betiere, gure sustraiei, gure kulturari eta gure inguruneari (Kantauri itsasoari eta euskal gastronomiari) keinu berezia eginez.

ESTEKAK

KONTAKTUA

  • reservas@restaurante-biarritz.com

  • 943 423 349

  • @biarritzrestaurante

KOKAPENA

    • Zubieta kalea, 56
    • Kontxa pasealekua z/g
      20007 – Donostia
NOLA IRITSI